الدواااالى وعلاجها

الدوالي هي في الأصل أوردة بتنقل الدم ، لكن متورمة ومتضخمة نتيجة لعدة أسباب ،ممكن تظهر في أي مكان في الجسم لكن في الغالب بتظهر في الساقين

 الأوردة وظيفتها إنها تنقل الدم من القدم للقلب ، بعد ما الشرايين وصلت الدم للقدم ،بالتالي الدم بيتم إعاده تدويره في الجسم ،والأوردة دي لأنها بتنقل الدم عكس الجاذبية بتكون جدرانها مرنة وفيها صمامات بتفتح وتقفل علشان تقدر تضخ الدم لغاية لما يوصل للقلب

:الدوالي بتظهر في شكل حبال متضخمة بيكون لونها أزرق أو موف غامق، في ناس مش بتحس بأي أعراض للدوالي وفي ناس بتحس بأعراض زي

 الأحساس بتقل وألم في الساق-

 تورم القدم والكاحل-

الحكة في مكان الوريد الملتهب-

نزف المنطقة لفترة أطول من المعتاد في حال تعرضها للجروح أو الضرر-

توسع الشعيرات الدموية في الساق المصابة ،وتسبب في ظهور الأوردة العنكبوتية ؛ والأوردة العنكبوتية تشبه الدوالي  ولكنها أصغر ،بتكون موجودة قريبة من سطح الجلد وغالبا بتكون لونها أحمر أو أزرق

: أسباب ظهور الدوالي 

.تقدم العمر : مع تقدم العمر الأوردة بتضعف وبتفقد مرونتها ، ومبتقدرش الصمامات تضخ الدم في عروقك زي الأول؛وبالتالي بتتجمع بدلاً من التدفق للقلب

 الجنس : النساء أكترعرضة للأصابة بالدوالي ،وده بسبب التغيرات الهرمونية خلال فترة الحمل أو قبل الدورة الشهرية أو انقطاعها ؛ لأن الهرمونات الأنثوية بتسبب إسترخاء جدران الوريد. وكمان تناول الأدوية بالهرمونات البديلة أو حبوب منع الحمل ممكن يزود من إحتمالية الإصابة بالدوالي

– عامل وراثي : لو كان فرد من العائلة عنده دوالي ، احتمال كبير يصاب حد من أولاده بالدوالي

– البدانة : الوزن الزائد بيزود الضغط على عروقك وبالتالي بيسبب الدوالي

– الوقوف أو الجلوس لفترات طويلة من الزمن : الدم لا يتدفق بالشكل الطبيعي لو فضلت في نفس الوضع لفترات طويلة

!!إزاي نعالج الدوالي

:ممكن نقلل من تطورها ونقلل من ألامها و أعراضها من خلال

استخدام الجوارب الضاغطة-

تكون السيقان المصابة  في أغلب الوقت مرفوعة عن الأرض-

تجنب الوقوف أو الجلوس في وضع معين لفترة طويلة-

القيام ببعض التمارين الرياضية-

:أما لمعالجة الدوالي بشكل نهائي أو التخلص من الشكل اللي سببته في السيقان

العلاج بالتصليب : وبيتم فيه حقن الأوردة بمادة عشان تقوي الأوردة-

العلاج بالليزر :وده بيكون من خلال استخدام موجات ضوئية-

أستئصال الوريد