النظام العسكرى للتخسيس

النظام الغذائي العسكري ، نظام بيساعدك على إنقاص الوزن بمعدل 4.5 كجم في أسبوع واحد. النظام ده بيقسم الاسبوع لجزئين 3 أيام بتلتزم بنظام معين وجدول وجبات لكل يوم ،وال4 أيام الباقيين بيكونوا من غير نظام وبتاكل اللي تحبه بشرط متتعداش نسبة السعرات الحرارية لليوم الواحد 1500 سعر .

النظام ده مناسب جدا للأشخاص اللي عايزين يخسه في وقت قليل ،علشان عندهم مناسبة معينة وحابين يكونوا في شكل كويس ويلبسوا اللي يحبوه ،ومايكونش وزنهم مسبب مشكله ليهم .

النظام الغذائي العسكري ممكن أكرره أكتر من أسبوع لغاية لما أوصل للوزن المثالي اللي أنا عاوزه .

ده شكل برنامج الوجبات لل3 أيام :

اليوم الأول :

1 – الفطار                                                                                                    

– شريحة من خبز التوست مع ملعقتين كبار من زبدة الفول السوداني

– نص ثمرة جريب فروت

– كوب من القهوة أو الشاي (اختياري)

2- الغداء                                                                                                             

– شريحة من خبز التوست

– نص كوب من التونة

– كوب من القهوة أو الشاي (اختياري)

3- العشاء

– (85 جرام) من اللحم مع كوب من الفاصوليا الخضراء

– تفاحة صغيرة

– نص موزة

– كوب واحد من آيس كريم الفانيليا

اليوم الثاني :

1- الفطار

– شريحة من الخبز المحمص

– بيضة مسلوقة

– نص موزة

– كوب من القهوة أو الشاي (اختياري)

2- الغداء

– بيضة مسلوقة

– كوب من الجبن

– 5 قطع بسكوت مملح

– كوب من القهوة أو الشاي (اختياري)

3- العشاء

– قطعتين من الهوت دوج بدون خبز

– نص كوب من الجزر ونص كوب من البروكلي

– نص موزة

– نص كوب من آيس كريم الفانيليا

اليوم الثالث :

1- الفطار

– شريحة واحدة من الجبنة الشيدر

– 5 قطع بسكوت مملح

– تفاحة صغيرة

– كوب من القهوة أو الشاي (اختياري)

2- الغداء

– شريحة من خبز التوست

– بيضة واحدة ، مطبوخة كيفما تشاء

– كوب من القهوة أو الشاي (اختياري)

3- العشاء

– كوب من التونة

– نص موزة

– كوب واحد من آيس كريم الفانيلا

النظام ده مش بيسمح بتناول الوجبات الخفيفة تماما ولا العصائر المحلاه إصطناعيا .

أما بالنسبة للناس اللي عندها حساسية من بعض الأطعمة اللي موجودة في جدول وجبات ال3 أيام فممكن يستبدلها بأطعمة بتقدم نفس الفايدة وبنفس كمية السعرات الحرارية وتكون من نفس النوع يعني أبدل فاكهة بنوع فاكهة تاني .

النظام الغذائي العسكري بتكون كل وجبة فيه منخفضة في السعرات الحرارية، لكن بتمد الجسم بكل المغذيات من البروتين والكربوهيدرات والدهون الغذائية لحرق الدهون بسرعة .

وفكرة إن النظام ده وجباته قليلة في السعرات الحرارية ،ده علشان يخلي الجسم يحرق من الدهون المخزنة فيه وهو بيقوم بأي مجهود وبكده يفقد جزء من وزنه .

في الغالب هتشعر بالجوع ،وممكن تشعر بالتعب مع المجهود الزيادة لكن إرادتك القوية هي اللي هتساعدك تستمر وتلتزم .

بعض الأشخاص بيقولوا إن مفيش أبحاث عن النظام تأكد إنه بيجيب نتيجة مع كل الأفراد!!

لوعندك تجربة مع النظام ده ممكن تشاركنا بيها وتقولنا رأيك فيه ..!