عادات صحيه للحفاظ على النظافه فى صالات الجيم

لو كنت بتمارس رياضة او تمارين فى الصالة الرياضية او المدرسة او نادى وبتعرق لفترات طويلة من المجهود او معرض للتعامل مع الجراثيم الموجودة على المعدات الرياضية فده بيعرضك لخطر اكبر من الاصابة بالالتهابات الجلدية ورغم انها عادة مش بتكون خطر لكن الافضل انك تحمى نفسك منها بشوية عادات بسيطة هتعرفها فى الموضوع ده .

• عادات صحية للحفاظ على النظافة فى صالات الجيم :

بتنتشر الالتهابات الفطرية فى الجلد و خصوصا مابين الرياضيين سواء كانوا اطفال او بالغين و من اشهرها قدم الرياضى و حكة جوك والسعفة و غيرها من الالتهابات الجلدية بسبب زيادة ملوثات الهواء فى صالات الرياضة وزيادة التعرق و المناشف وغيرها من الاسباب اللى بتسهل انتقال البكتريا و الفيروسات .

وعلى الرغم من سهولة انتقال العدوى بنلاقى ان الوقاية منها سهلة جدا وبتتخلص فى كلمة النظافة واتباع العادات الصحية و دى النصائح اللى تقدر تحمى بيها نفسك من اى عدوى او ميكروب :

• غسل اليدين بشكل صحيح قبل و بعد التمرين سواء بالماء الدافىء او البارد المهم انك ترغيه كويس وتفرك يديك لمدة 20 ثانية على الاقل والشطف الجيد واستخدام منشفة نظيفة او الهواء الجاف للتجفيف .

• فى بعض الاحيان لو كان الماء و الصابون مش متوفر تقدر تستخدم المطهر ويفضل اللى متقلش نسبة الكحول فيه عن 60% بفركه على اليدين و الاصابع لغاية ما تبقى جافة تماما .

• قبل بداية التمارين مسح المعدات و سجاد التمارين (exercise mat ) بالمطهر او المنادية المطهرة و بعد التمارين برضه و يستحسن احضار الادوات الخاصة بك ان امكن زى سجاد التمارين (exercise mat ) .

• بعد انتهاء التمارين ما تفكرش فى الاكل او فى الراحة لفترة بالملابس المتعرقة انما تذهب للاستحمام و تستخدم منشفة نظيفة مع ملابس نظيفة مختلفة عن ملابس التمارين .

• احرص على تنظيف القدمين بعناية وتنشيفهم و خصوصا ما بين الاصابع و اذا كنت اكثر عرضة للاصابة بالقدم الرياضى يفضل انك تستخدم مسحوق مضاد للفطريات على قدميك .

• احرص على تنظيف و تجفيف ملابس التدريب الخاصة بك فى كل مرة بتستخدمها .

• لو كان فيه جرح فى جلدك و لسه مفتوح لازم تغطيه بضمادة مضادة للماء و تجنب الاماكن اللى ممكن تعرضه للتلوث زى حمامات السباحة او السونا .

• بلاش تبادل المناشف وزجاجات المياه او الصابون او مكن الحلاقة او فرش و امشاط الشعر او الماكياج مع اى شخص لانها ممكن تتلوث وتنقل انواع من البكتريا و الفطريات .

• و انت بتدور على صالة للجيم و الرياضة حاول انك تفحص كويس نظافة المكان و المعدات و اذا كان العاملين حريصين على نظافة المكان باستمرار و نظافة الحمام الخاص بيه باستمرار .